Monday , September 26 2022
Breaking News
Home / ठळक बातम्या / खासदार डॉक्टर अमोल कोल्हेंनी सांगितलं रेमडेसिविरला पर्यायी औषध!

खासदार डॉक्टर अमोल कोल्हेंनी सांगितलं रेमडेसिविरला पर्यायी औषध!

देशात सध्या कोरोनाने थैमान घातलं असताना अनेक ठिकाणी रुग्णांना बेड मिळत नाहीयेत. तर रेमडेसिविर या इंजेक्शनचा तुटवडा देखील मोठ्या प्रमाणात जाणवत आहे. महाराष्ट्रात तर रुग्णांच्या नातेवाईकांना रेमडेसिविरसाठी खूप धावपळ करावी लागली. अनेक तास लाईनमध्ये उभा राहून देखील हे औषध मिळत नव्हतं. अजून काही दिवस राज्यात रेमडेसिविरची टंचाई जाणवेल असे आरोग्यमंत्री राजेश टोपे यांनी सांगितले आहे.

रेमडेसिविरच्या निर्यातीला बंदी देखील केंद्र सरकारने घातली आहे. पण सध्या मागणी खूप असल्याने टंचाई जाणवत आहे. रेमडेसिविर हे इंजेक्शन हे सध्या ५०-५० हजारांपर्यंत किमतीत विकले जात आहे. रेमडेसिविरचा पुरवठा सुरळीत होण्यासाठी अजून काही काळ जाणार आहे. तर महाराष्ट्राच्या टास्क फोर्सने देखील रेमडेसिविरच्या वापरावर नियंत्रण ठेवा असे सांगितले आहे. तर टास्क फोर्सने हे देखील सांगितलं आहे कि रेमडेसिविर हे जीव वाचावणारं औषध नाहीये.

रेमडेसिविर मुळे शरीरात झालेला विषाणूंचा लोड ज्याला वायरल लोड म्हणतात तो लोड कमी होतो. पण पेशंटचा जीव वाचतोच असे हे औषध नाहीये. अनेक क्लिनिकल ट्रायल मध्ये देखील हे दिसून आलं आहे. दरम्यान खासदार अमोल कोल्हे यांनी एक व्हीडीओ शेअर करून रेमडेसिविर उपलब्ध न झाल्यास त्याला पर्यायी औषध कोणते हे सांगितले आहे.

रेमडेसिविर डॉक्टरांनी आणायला सांगितलं आणि ते उपलब्ध झालं नाही तर पेशंटला काहीच न देण्यापेक्षा फेव्हीपॅरावीर हे औषध द्यावं असं खासदार अमोल कोल्हे यांनी सुचवलं आहे. कोव्हिड टास्क फोर्सने देखील हे पर्यायी औषध सुचवल्याचं त्यांनी म्हंटल आहे. पेशंट तोंडाने औषध घेऊ शकत असेल पेशंटला हे फेव्हीपॅरावीर औषध द्यावं असं डॉ कोल्हेनी म्हंटल आहे.

फेव्हीपॅरावीर हे महाराष्ट्रात मुबलक प्रमाणात उपलब्ध असल्याने त्याचा वापर हा योग्य प्रकारे केल्यास पेशंटला मदत होऊ शकते. फेव्हीपॅरावीर हे औषध तोंडावाटे घ्यावं लागतं. या औषधाने देखील विषाणूंचा वायरल लोड हा कमी करता येतो. त्यामुळे रेमडेसिविरचा अवाजवी वापर टाळून फेव्हीपॅरावीरचा वापर करा असे कोल्हे आणि कोविड टास्क फोर्सने म्हंटले आहे. दरम्यान रेमडेसिविरचा उपलब्ध साठा काळजीपूर्वक वापरल्यास गरजू व्यक्तीना ते इंजेक्शन मिळू शकते.

About Mamun

Check Also

रंगा-बिल्ला या गुंडांची इतकी दहशत होती की देशाचे प्रधानमंत्रीही तणावाखाली आले होते

रंगा-बिल्ला ही नावं आपण अनेकदा कुठे ना कुठे वाचली असतील. हिंदी किंवा मराठी चित्रपटामध्ये तर …

Leave a Reply

Your email address will not be published. Required fields are marked *